Feeds:
Færslur
Athugasemdir

Posts Tagged ‘straumflugur’

Svört Snappy Poodle

Svört Snappy Poodle

Í mynd sinni um straumflugveiðar notar Oliver Edwards nokkrar tegundir flugna til að ginna fiskana til töku. Ég hef aðeins rætt um eina þeirra, Big Eyed Bugger hérna áður og nú langar mig að spjalla aðeins um fluguna Snappy Poodle sem kemur líka fyrir í myndinni. Snappy Poodle er fluga að mínu skapi því að í henni er marabou, hellingur af marabou! Svo er hún líka framþung og með augu. Hvernig getur þetta klikkað spyr maður bara. Ég var í bölvuðum vandræðum með að finna rétta efnið í búkinn á henni en hann er döbbaður úr löngum gerfiþráðum og svo tættur út og greiddur aftur. Ég fann ágætis efni í hann á Flybox sem heitir Fly-brite og pantaði það. Ég nota Fish-Skull í hausinn í stað haussins sem Edwards notar en finnst það ekki koma að sök. Og svo er hellingur af marabou. Þetta er semsagt svolítið efnisfrek fluga og því ekki úr vegi að lakka vel og gera hana extra sterka. Rauði punkturinn á hálsinum er svo bara tússaður á döbbið í lokin. Það má auðvitað gera hana í fleiri litum en svarta og ég held að ólífugræn og hvít væru ekki svo vitlausar. Hún mun allavega fara í boxið mitt í nokkrum litum. Fluguna á myndinni hnýtti ég á streameröngul #6 en ég held að flugan komi betur út á #4 eða jafnvel #2.

Read Full Post »

SkulliJæja, þá er komið að því að fara að halda áfram að skrifa eitthvað hérna eftir töluvert hlé. Það hefur lítið verið að gerast í veiðiferðum og hnýtingum hjá mér síðan í lok júlí vegna þess að þá tók ég uppá því að eignast frumburðinn og hef komist að því að það getur verið svolítið tímafrekt viðfangsefni :).  En maður hefur fundið smá tíma hér og þar til að sinna hobbíinu. Eitt af því sem ég gerði var (meira…)

Read Full Post »

Super Tinsel

Super Tinsel

Ég verð að segja að mér brá pínulítið í brún þegar ég barði þessa flugu augum í fyrsta sinn og mér varð að orði að þetta væri ekkert nema létt útgáfa að silfruðum Toby. Sem er að vissu leyti rétt ef horft er til litana í henni. En því er ekki að neita að Super tinsel er firnasterk fluga og sérstaklega í urriðan að vori. Hún er venjulega ekki hnýtt þyngd sem býður upp á að nota hana á því dýpi sem hentar hverju sinni og hún er létt í kasti. Í útgáfurnar sem ég hnýti nota ég silfurlitað döbbefni í væng sem ég greiði svo aftur með bursta. Búkurinn er úr silfur tinseli og skeggið úr rauðu Senyo´s laser dub (rautt dub með glitþráðum í). Svo er hefðbundnari útgáfan með haus úr svörtu döbbi en hin útgáfan mín með svörtum marabou undirvæng í staðinn. Flugan er einföld og fljótleg í hnýtingu og allir ættu að eiga nokkrar svona í boxinu.

Super Tinsel með marabou undirvæng

Super Tinsel með marabou undirvæng

 

Read Full Post »

Orange Big eyed bugger

Orange Big eyed bugger

Oliver Edwards er í miklu uppáhaldi hjá mér og ég var að horfa á myndina hans um straumfluguveiðar um daginn þar sem hann notaði stóreygða útgáfu af Wooly bugger. Ég las mér aðeins til um þetta og upp úr krafsinu kom sú kenning að ránfiskar eru mjög uppteknir af augum bráðarinnar og þau geti verið kveikjan að árás á bráðina. Og því sé tilvalið að ýkja augun duglega til að ná fram þessu viðbragði. Big-eyed bugger eins og ég hnýtti hann er í raun bara nobbler með stórum augum og epoxy haus. Ennfremur þyngdi ég flugurnar að framan með tungsten mottu frá Veniard til að fá fram hreyfinguna sem framþungar flugur eins og nobblerinn hafa. Ég hef mikla trú á þessum flugum (var að hnýta þær, hef ekki prufað þær enn) sem og annari flugu sem O.E. notar í sömu mynd og ég mun taka fyrir mjög bráðlega.

Fleiri litir

Fleiri litir

Read Full Post »

Vorflugurnar

Þessar eru reyndar ekki úr vorveiði :)

Þessar eru reyndar ekki úr vorveiði 🙂

Þessi póstur fjallar ekki um vorfluguna heldur þær flugur sem hafa reynst mér vel í vorveiði. Ég er mjög hrifinn af því að nota straumflugur og finnst þær sérstaklega sterkar á vorin þegar skordýralíf er ekki komið almennilega af stað en hornsílin eru farin að sjást. Ég vel helst straumflugur í áberandi litum á vorin og fer ekki í þær dökku fyrr en hinar eru fullreyndar. Hér er smá listi um þær straumflugur sem ég nota helst á vorin en hann er þó alls ekki tæmandi:

Mickey Finn
Nobbler/Wooly bugger (Orange, hvítur og bleikur) (meira…)

Read Full Post »

Ég hef tekið það fram áður að eitt af mínum uppáhaldsefnum í fluguhnýtingum er marabou enda eru margar veiðnustu silungaflugur allra tíma hnýttar úr því efni. Ein aðferð við að hnýta úr marabou sem ég hef ekki séð mikið notaða hér á landi er að hringvefja það um öngulinn. Þessi aðferð er mikið notuð í BNA við að búa til flugur fyrir Steelhead, sem er sjógenginn regnbogasilungur og eru þær flugur gjarnan stórar og mjög skrautlegar. En þessi aðferð er eitthvað að ryðja sér til rúms hérna líka og (meira…)

Read Full Post »

 Hvað eru leitarflugur? Leitarflugur eru flugurnar sem maður setur undir þegar maður hefur ekki hugmynd um hvar fiskurinn heldur sig á veiðistaðnum sem maður er á eða hvort það sé yfirleytt fiskur þar. Þetta eru flugurnar sem við þykjumst viss um að séu fisknum svo áhugaverðar að hann mun gera sig líklegan í töku og koma þannig upp um sig þó hann taki ekki endilega fluguna. Þegar við höfum svo komist að því hvort það er fiskur á staðnum þá getum við farið að reyna að sannfæra (meira…)

Read Full Post »

Blendingurinn

BG&Nobbler blendingurinn

Á vefnum www.veidi.is vorum við að ræða um hinar ýmsu útgáfur af nobblerum fyrir svolitlu síðan. Þar sagði ég frá flugu sem ég hnýtti fyrir löngu þegar ég hafði komist að þeirri óvísindalegu niðurstöðu eftir langan netrúnt að Black Ghost og Nobbler væru bestu straumflugur sem til væru á Íslandi og því væri gráupplagt (meira…)

Read Full Post »

Lake Erie Shiner

Lake Erie Shiner

Eftir því sem ég kemst næst er höfundur þessarar veiðnu straumflugu Floyd Franke. Flugan er kennd við Erie vatn sem liggur á landamærum Kanada og Bandaríkjanna. Flugunni er ætlað að líkja eftir síli og mér hefur reynst það best að draga hana inn með stuttum rykkjum og ég nota þá gjarnan Duncan (meira…)

Read Full Post »

Wooly Bugger

Wooly Bugger

Hér er á ferðinni fluga sem er keimlík nobbler í útliti. Wooly bugger er til í ótal afbrigðum og er gríðarlega vinsæl, ef ekki bara vinsælasta straumflugan úti í hinum stóra heimi. Ég leyfi mér að fullyrða að mjög fáir erlendir silungsveiðimenn myndu sleppa henni af topp 10 listanum sínum. Maður heyrir samt ekkert of oft minnst á hana hérna heima á klakanum þar sem hún virðist falla í skuggann af frænda sínum nobblernum. Þessari flugu er ætlað að líkja eftir alls kyns kvikindum, svo sem sílum, lirfum, ormum og blóðsugum (leeches) (meira…)

Read Full Post »